Emin cəzalandı, “Kalmar” uduzdu

Futbol üzrə İsveç çempionatında 14-cü turun oyunları keçirilib.

Komanda.az xəbər verir ki, azərbaycanlı futbolçu Emin Nurinin formasını geyindiyi “Kalmar” da növbəti matçına çıxıb.

Sözügedən kollektiv səfərdə “Yurqarden”lə üz-üzə gəlib. Futbolçumuzun komandası bu oyundan məğlubiyyətlə ayrılıb – 0:2.

Emin də bu görüşün iştirakçısı olub. O, start heyətdə meydana çıxıb və sonadək mübarizə aparıb. Millimizin sabiq üzvü 58-ci dəqiqədə sarı vərəqə ilə də cəzalanıb.

“Kalmar” hazırda 13 xalla 16 iştirakçı arasında 12-ci pillədə qərarlaşıb.