DÇ-2026-dakı VAR qaydalarından Azərbaycan Premyer Liqasında da istifadə ediləcək

Futbol üzrə dünya çempionatında tətbiq edilən Video Köməkçi Hakim (VAR) qaydalarından Azərbaycan Premyer Liqasında da istifadə olunacaq.

Komanda.az xəbər verir ki, bu barədə Peşəkar Futbol Liqasının texniki-idman direktoru Elgiz Abbasov jurnalistlərə açıqlamasında deyib.

PFL rəsmisi ikinci sarı vərəqə və küncdən zərbə zamanı mübahisəli epizodlarda VAR-a müraciət oluna biləcəyini söyləyib.

Premyer Liqada yeni mövsüm avqustun 14-də başlayacaq.