ÇL: “Noyer növbəti 100 ildə etməyəcəyi səhvə yol verdi”

“Bayern”in baş məşqçisi Tomas Tuxel Çempionlar Liqasının yarımfinal mərhələsinin cavab oyununda “Real”a məğlubiyyəti (1:2) şərh edib.

Komanda.az UEFA-nın mətbuat xidmətinə istinadən xəbər verir ki, alman mütəxəssis bunu qəbul etməyin çətin olduğunu bildirib:

“Bu zərərin bərpası üçün vaxt lazımdır. Təbii ki, bunu qəbul etmək çətindir. Bu, reallığın bir hissəsidir. Heç bir incimə və ya peşmançılıq yoxdur. Digər tərəfdən, çoxlu zədələr, çoxlu əvəzetmələr var idi. Hücum edən dördlüklə başladıq və sonda hamısı meydanı tərk etdi.

Bütün axşam bizi parlaq şəkildə xilas edən Noyer növbəti 100 ildə etməyəcəyi səhvə yol verdi”.

“Real” “Bayern”ə (2:2 və 2:1) qalib gəlib, Çempionlar Liqasının finalına yüksəlib. Onlar finalda PSJ-ni məğlub edən “Borussiya” ilə qarşılaşacaqlar. Final iyunun 1-də “Uembli”də keçiriləcək.