“Bu, bizim oyunumuza təsir etməyəcək” – Bezyak

Kiprin APOEL klubunun futbolçusu Roman Bezyak Avropa Liqasının qrup mərhələsinin 3-cü turunda “Qarabağ”la qarşılaşacaqları oyundan əvvəl təşkil olunan mətbuat konfransında iştirak edib.

Komanda.az xəbər verir ki, sloveniyalı oyunçu media nümayəndələrinin suallarını cavanlandırıb:

  • Avqsutda etdiyinizi təkrar etməyə hazırsızmı?
  • Qrupda 0 xalımız var. Bu oyunda qələbə qazanmaq bizim üçün çox vacibdi. Çalışacağıq ki, eynisini təkrarlayaq.
  • “Qarabağ”dan qorxduğunuz nədi?
  • Düşünmürəm ki, nədənsə çəkinməliyik. Bir dəfə rəqibi məğlub etmişiq. Biz öz oyunumuza köklənmişik. Birlikdə oyunumuzu oynayıb, qələbə qazanmalıyıq.
  • APOEL öz meydanında “Düdelanj”a məğlub oldu, “Qarabağ” isə bu komandanı səfərdə məğlub etdi…
  • Bu nəticələr araxada qaldı. İndi bunun önəmi yoxdu.
  • Sabah stadionda anşlaq olacaq. “Qarabağ”ın azarkeşlərlə birlikdə qisas almaq istəyi sizi tədirgin etmir?
  • Bu, onların öz problemidi. Hansı ki, nəyinsə qisasını almaq istəyirlər və ya yox. Stadionun dolu olması futbolun həyəcanıdı. Bu, bizim oyunumuza təsir etməyəcək.

Şahin Cəfərov

Bizi Telegramda izləyin

Bizi Facebook-da izləyin

Əlaqəli yazılar

Back to top button