“Borussiya”nın sabiq hücumçusu Misir klubuna keçir

“Köln”ün və Dortmund “Borussiya”sının sabiq hücumçusu Antoni Modeste karyerasını Misir çempionatında davam etdirə bilər.

Komanda.az “Foot Mercato”-ya istinadən xəbər verir ki, 35 yaşlı fransalı forvard Misirin hazırkı çempionu və yerli çempionatın 43 qat qalibi “Əl-Əhli” ilə müqavilə imzalamağa yaxındır.

Modestenin karyerasının ən yaxşı mövsümü 2021/2022 mövsümü olub. O, həmin illərdə “Köln”lə bütün yarışlarda 35 matçda 23 qol vurub və 4 məhsuldar ötürmə verib.