“Belə səhvlər etməməliyik” – Aleksey Baqa

“Sumqayıt”ın baş məşqçisi Aleksey Baqa Azərbaycan Premyer Liqasının 16-cı turundan təxirə salınmış və bu gün baş tutan “Qarabağ”la oyunu şərh edib.

Komanda.az xəbər verir ki, belaruslu mütəxəssis 0:5 hesabıyla uduzduqları matçdan sonra bunları söyləyib:

“Meydanda olanları hamı gördü. Rəqibin heyətində yaxşı futbolçular var. Öz səhvlərimiz də oldu. Nəticədə böyük hesabla uduzduq. Yaxşı nəticə üçün gözəl oyun sərgiləmək lazımdır. Belə səhvlər etməməliyik. Rəqibin ustalıq səviyyəsi olduqca yüksəkdir. Ona görə də əlimizə düşən azsaylı epizodlardan da yararlana bilmədik”.

41 yaşlı mütəxəssis “Qarabağ”ın futbolçusu Riçard Almeyda maraqlandığınız futbolçulardandırmı” sualına belə cavab verib: “Hansısa adla bağlı şərh verə bilmərəm. İki oyunumuz qalıb. Mövsümü başa vurmalıyıq. Bundan sonra transferlər barədə danışa bilərik. Belə xəbərləri şərh etməyin mənası yoxdur”.