“Bakı Metropoliteni”ndən “Qarabağ” – “Lex” matçı ilə bağlı açıqlama

“Bakı Metropoliteni” QSC “Qarabağ”ın Çempionlar Liqasının 1-ci təsnifat mərhələsində “Lex”lə (Polşa) Bakıda keçirəcəyi oyun üçün gücləndirilmiş rejimdə işləyəcək.

Komanda.az xəbər verir ki, bu barədə qurumun mətbuat xidməti məlumat yayıb. Bildirlir ki, matça görə “Bakı Metropoliteni” QSC-nin iş rejimində ehtiyat qatarlar hazır vəziyyətdə saxlanılacaq. İyulun 12-də Tofiq Bəhramov adına Respublika stadionunda keçiriləcək oyuna tamaşaçı marağını nəzərə alaraq, Bakı metropoliteninin iş rejimində müvafiq dəyişiklik edilməsi nəzərdə tutulub.

Metropolitenin əvvəlcədən elan edilmiş istirahət günü qrafikinə baxmayaraq, sərnişinlərin təhlükəsiz və rahat daşınması məqsədilə Respublika stadionunda keçirilən kütləvi tədbirlər zamanı metropolitenin müvafiq əməliyyat planı əsasında bir sıra tədbirlər görüləcək. Görüşün oynanılacağı mərkəzi arenanın yaxınlığında yerləşən “Gənclik” stansiyası oyunun başlanma saatı ərəfəsində gücləndirilmiş iş rejimi şəraitində çalışacaq. Bu xüsusda əlavə işçi qüvvəsi ayrılmaqla növbətçilik cədvəli tərtib olunacaq, nəzarət mexanizmləri gücləndiriləcək. Həmçinin “Nəriman Nərimanov” və “28 May” stansiyalarında müvafiq ehtiyat tədbirlər nəzərə alınacaq.

Xəttə buraxılmaq üçün nəzərdə tutulmuş ehtiyat qatarlar hazır vəziyyətdə saxlanılacaq.

“Qarabağ” – “Lex” qarşılaşması saat 20:00-da başlayacaq. Poznandakı ilk oyunda Ağdam təmsilçisi minimal hesabla uduzub – 0:1.

Bizi Telegramda izləyin

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button