Azarkeşi vuran Neymar cəzasız qaldı

Fransa məhkəməsi keçən mövsüm ölkə kubokunun finalında, “Renn”lə keçirilən oyunda azarkeşlə insident yaşayan PSJ-nin hücumçusu Neymarla bağlı qərar verib.

Komanda.az Fransa mətbuatına istinadən xəbər verir ki, 2:2 hesabı ilə başa çatan oyundan sonra azarkeşi yumruqla vuran hücumçu cəzalandırılmayacaq. Belə ki, Neymara yazılı xəbərdarlıq edən məhkəmə, ona qarşı heç bir tədbirin görülməyəcəyini bildirib.

Penaltilər seriyasında məğlub olan PSJ-li futbolçular mükafatlandırma mərasiminə gedərkən, bir azarkeş Neymara “futbol oynamağı öyrən” deyib. Buna qəzəblənən braziliyalı futbolçu, azarkeşi yumruqla vurub və ordan uzaqlaşıb. Bundan sonra həmin azarkeş futbolçuya qarşı məhkəmə iddiası qaldırmışdı.

Bizi Telegramda izləyin

Bizi Facebook-da izləyin

Əlaqəli yazılar

Back to top button