Fransa klubunda yeni baş məşqçi

“Strasburq”un yeni baş məşqçisinin adına aydınlıq gəlib.

Komanda.az xəbər verir ki, bu haqda klubun mətbuat xidməti məlumat yayıb.

Fransa təmsilçisini Hüqo Oliveyra çalışdıracaq. 41 yaşlı portuqaliyalı mütəxəssislə 3 illik müqavilə imzalanıb.

Oliveyranın son iş yeri Portuqaliyanın “Famalikan” klubu olub. Komanda onun rəhbərliyi altında ölkə çempionatını 5-ci pillədə başa vuraraq tarixinin ən yaxşı nəticəsinə imza atıb.