Azərbaycan idmançıları DÇ-dən 5 medalla qayıdır

Niderlandın paytaxtı Amsterdam şəhərində MMA idman növü üzrə dünya çempionatı keçirilib.

Komanda.az xəbər verir ki, Azərbaycan bu yarışda 8 idmançı ilə təmsil olunub.

Azərbaycan idmançıları mundialda 5 medal qazanıblar. Fətəli Talıbovla (52 kq) Ehtiram Dərişov (62 kq) qızıl, Nail Əzizov (83 kq) gümüş, İmran Abbasquliyev (70 kq) və Ömər Mutayev (77 kq) isə bürünc medala layiq görülüblər.