Azərbaycan Basketbol Liqasında müntəzəm mövsümün ən yaxşıları bilindi

Azərbaycan Basketbol Liqasında 20 turun nəticələrinə əsasən, müntəzəm mövsümün ən dəyərli oyunçuları (MVP) müəyyənləşib.

Komanda.az Azərbaycan Basketbol Federasiyasına istinadən xəbər verir ki, A və B qrupları üzrə ən yaxşılar açıqlanıb.

A qrupunda “Sabah” klubunun üzvü Hassani Qravet mövsümün MVP-si seçilib.

B qrupunda isə bu ada “Ordu”nun basketbolçusu Cermeyn Hed layiq görülüb.