Azərbaycan millisinin Avropa çempionatındakı oyunlarının təqvimi məlum olub

Bosniya və Herseqovinanın paytaxtı Sarayevoda keçiriləcək Avropa çempionatında iştirak edəcək Azərbaycanın minifutbol millisinin oyunlarının təqvimi açıqlanıb.

Komanda.az xəbər verir ki, yığma komanda ilk oyununu iyunun 2-də, saat 13:00-da Belçika millisinə qarşı keçirəcək.

Komandamızın növbəti görüşü iyunun 3-də saat 19:00-da İtaliyaya qarşı olacaq

Son olaraq Elşad Qulyevin yetirmələri iyunun 4-ü Fransa ilə qarşılaşacaq. Matçın start fiti saat 19:00-da səslənəcək.