Azərbaycan millisi bu gün Andorra ilə qarşılaşacaq

Qadın futbolçulardan ibarət Azərbaycan millisi bu gün dünya çempionatı-2027-nin seçmə mərhələsində 3-cü oyununu keçirəcək.

Komanda.az xəbər verir ki, C Liqasının 3-cü qrupunda yer alan milli Andorra yığması ilə qarşılaşacaq. Andorra la Vella şəhərindəki Milli Stadionda təşkil olunacaq görüşü Ukraynadan olan hakimlər briqadası idarə edəcək. Matç saat 21:00-da başlayacaq.

Bu qrupun digər görüşündə Macarıstan Şimali Makedoniya ilə üz-üzə gələcək.

14 aprel

21:00. Andorra  – Azərbaycan 
Milli stadion

18:00. Şimali Makedoniya – Macarıstan