“Arsenal”ın əldən buraxdığı futbolçu

“Arsenal” Morqan Rocersin transferində əsas namizəd olsa da, “Aston Villa”nın tələb etdiyi məbləği ödəmək istəməyib.

Komanda.az “The Times”-a istinadən xəbər verir ki, “topçular” 24 yaşlı yarımmüdafiəçi üçün tələb olunan 120 milyon funt-sterlinqi (təxminən 141 milyon avro) ödəməyə razı olmayıb.

“Arsenal” ingiltərəli futbolçuya görə təxminən 80 milyon funt-sterlinq (94 milyon avro) təklif etməyə, hətta məbləği daha da artırmağa hazır olsa da, son qiyməti qəbul etməyib. Nəticədə, Rocers 117 milyon funt-sterlinq (138 milyon avro) qarşılığında “Çelsi”yə keçib.

“Aston Villa” rəhbərliyi “Arsenal”ın vasitəçilər üzərindən qeyri-rəsmi danışıqlar aparmasından da narazı qalıb. “Çelsi”nin sahibləri isə “Aston Villa”nın tələb etdiyi məbləği ödəməyə razılıq veriblər. Baş məşqçi Xabi Alonso da Morqanla söhbət edib və onun universallığını yüksək qiymətləndirib.