Türkiyəli futbolçu ​​”Real”dan ayrılmayacaq

Türkiyəli yarımmüdafiəçi Arda Gülər ​​ötən ilin yayında “Real”a qoşulub. 

Gənc futbolçuya əvvəlcə zədələr mane olurdu, sonra isə çətin rəqabət fonunda o, çox oynamaq şansı qazana bilmirdi. Bu yaxınlarda Madrid klubu çempion olub və Arda ​​daha çox oynamağa başlayıb.

Komanda.az xarici KİV-ə istinadən xəbər verir ki, “Real” Ardanı icarəyə vermək fikrində deyil. Futbolçunun özü də Madrid klubundan meydanda daha çox vaxt keçirmək üçün onu hansısa komandaya buraxmağı xahiş etməyib. Toni Kroosun karyerasını bitirmək qərarından sonra Ardanın “Real”dakı rolu daha da əhəmiyyətli ola bilər.