Arazın komanda yoldaşlarından daha üçü koronavirusa yoluxdu

Azərbaycan millisinin yarımmüdafiəçisi Araz Abdullayevin çıxış etdiyi Türkiyənin “Boluspor” klubunda koronavirusa yoluxan şəxslərin sayı artıb.

Komanda.az xəbər verir ki, 1-ci liqa təmsilçisində daha 3 oyunçu və 1 tibb işçisinin koronavirus testi müsbət nəticələnib.

Bu barədə klubun mətbuat xidməti məlumat yayıb. Xəbərdə Bolu təmsilçisində hazırda 10 futbolçu, 1 məşqçi, 1 tibb işçisi və klubun 4 əməkdaşının koronavirus səbəbindən karantinə alındığı diqqətə çatdırılıb.

Qeyd edək ki, Araz Abdullayev Azərbaycan yığmasının hazırda davam edən təlim-məşq toplanışına çağırılmayıb.