“Leyptsiq” hücumçusunu “Ayaks”a göndərdi

Almaniyanın “Leyptsiq” klubu futbolçusu Brayan Brobbini icarəyə verib.

Komanda.az xəbər verir ki, 19 yaşlı hücumçu mövsümün sonuna qədər “Ayaks”da çıxış edəcək. Bu barədə Amsterdam təmsilçisinin mətbuat xidməti məlumat yayıb.

“Ayaks”ın yetirməsi olan Brobbi 2021-ci ilin yayında 14 milyon avro qarşılığında “Leyptsiq”ə keçmişdi.

Hücumçu bu mövsüm “Leyptsiq”də 14 oyunda 3 məhsuldar ötürmə ilə yadda qalıb.