“Yurgen Kloppla hansısa problemim yoxdur” – Lempard

İngiltərə Premyer Liqasının 37-ci turu çərçivəsində “Liverpul”a 3:5 hesabı ilə məğlub olan “Çelsi”nin baş məşqçisi Frenk Lempard açıqlama verib.

Komanda.az xəbər verir ki, 41 yaşlı mütəxəssis, oyunla bağlı bunları deyib:

“Futbolçularıma inanıram. Son iki oyunda – “Mançester Yunayted” (3:1) və “Liverpul”la görüşlərdə komandanın potensialı ilə bağlı daha çox şey gördüm. Yaxşı oyun keçirdik, təbii ki, bəzi fərdi səhvlərimiz oldu. Futbolçular barədə fərdi danışmaq istəmirəm. Oyunumuzda müsbət nüanslar daha çox idi. Hesab 3:4 olanda, oyunda geridönüş edə biləcəyimizi hiss etdim.

İndi vacib olan futbolçuların özünə güvənməsidir. Komandada xarakter, keyfiyyət var. Bir oyunumuz var və mövsümü ilk 4-lükdə bitirmək üçün bu oyunda qələbə qazanmaq istəyirik. Müdafiəmizi yaxşılaşdırmaq istəyirik.

Yurgen Kloppla hansısa problemim yoxdur. O, fantastik məşqçidir və komandasına liderlik edir”.

37 turdan sonra 63 xal toplayan “Çelsi” turnir cədvəlinin 4-cü pilləsində qərarlaşıb.