“Qəbələ”nin yeni sponsoru məlum oldu – rəsmi

“Qəbələ” İdman Klubunun yeni sponsoru məlum olub.

Komanda.az xəbər verir ki, bundan sonra Qəbələ təmsilçisini “Jalə” şirələri maliyyələşdirəcək. Bu barədə klubun bu gün baş tutan mətbuat konfransında məlumat verilib.

Daha əvvəl klubun əsas sponsoru “Gilan Holdinq” idi.

“Jalə” ilə sponsorluq müqaviləsinin müddəti 1,5 illik nəzərdə tutulub.

“Qəbələ” İdman Klubunun əsası 1995-ci il iyulun 3-də qoyulub. Klubun ilk adı “Göy Göl” olub. Komanda 1995-ci ildən 2005-ci ilədək Xanlar rayonunu təmsil edib. 2005-ci il mayin 4-də klubun adı dəyişdirilərək “Gilan” olub. 2005-2006-cı illər mövsümündə birinci divizionun qalibi olan komanda Azərbaycan çempionatının yüksək liqasına vəsiqə qazanıb. 2006-cı ilin avqust ayinda – yüksək liqada debüt ərəfəsində “Gilan” Xanlar rayonundan Qəbələyə köçürülüb və həmin vaxtdan etibarən komanda Qəbələ şəhərini təmsil edir. 2007-ci il avqustun 31-də “Gilan” PFK adı “Qəbələ” İK ilə dəyişdirilib.