“Oyundan oyuna daha yaxşı çıxış edirik” – Bordin

Azərbaycan Premyer Liqasının 9-cu turunun “Sumqayıt” – “Neftçi” (2:4) oyunundan sonra “ağ-qaralar”ın baş məşqçisi Roberto Bordinin mətbuat konfransı keçirilib.

Komanda.az xəbər verir ki, italiyalı mütəxəssis, əvvəlcə görüş barədə fikirlərini bildirib:

• Komandamı təbrik edirəm. Gözəl oyun göstərdik. Baxmayaraq ki, penalti qolu ilə hesabda geri düşdük, futbolçular vaxtında və düzgün reaksiya verdi. Sona qədər dominant tərəf idik. Layiqli qələbə qazandıq.
• Demək olar ki, artıq meydanda istədiyiniz “Neftçi”ni görürsüz?
• Bir dövr var idi ki, komanda özünə bənzəmirdi. Ardıcıl 4 qələbə qazandıq. Bu, futbolçuların əziyyətinin bəhrəsidi. Biz yalnız tapşırıqları veririk, icra edən oyunçulardı. Oyundan oyuna daha yaxşı çıxış edirik.

Şahin Cəfərov