Şakira: “Messi ən böyükdür”

2026-cı il dünya çempionatının final matçının fasiləsində çıxış edən kolumbiyalı müğənni Şakira Argentina millisinə və komandanın kapitanı Lionel Messiyə müraciət edib.

Argentinalılar finalda əlavə vaxtda İspaniya millisinə 0:1 hesabı ilə uduzub.

Komanda.az xəbər verir ki, tanınmış müğənni sosial şəbəkə hesabındakı paylaşımında Messinin ən böyük olduğunu bildirib:

“Əziz argentinalılarım! Sizinlə çox qürur duyuram. Lionel Messi ən böyükdür. Bu dünya çempionatında bütün latın amerikalıları belə gözəl təmsil etdiyiniz üçün minnətdaram. Həmişə ürəyimdəsiz!”

Müğənni turnirin qaliblərini də təbrik edib:

“İspaniya! Dünya çempionatında sizinlə uğuru yenidən bölüşə bildiyim üçün qürur duyuram! Təbrik edirəm!”

Şakira 2010-cu il dünya çempionatının final mərasiminin bağlanışında da çıxış etmişdi. Həmin turnirdə də İspaniya millisi qalib olmuşdu.