“Bu oyunda qol vurmağım vacib idi” – Hazard

İspaniya La Liqasının 8-ci turu çərçivəsində “Qranada”ya 4:2 hesabı ilə qalib gələn “Real”ın hücumçusu Eden Hazard açıqlama verib.

Komanda.az klubun rəsmi saytına istinadən xəbər verir ki, “Real”ın ikinci qolunu vuraraq, “kral klubu”nda qol hesabını açan belçikalı futbolçu, fikirlərini bölüşüb:

“İlk qolu vurmaq hər zaman çətindir, amma bunu bacardıqdan sonra daha böyük inam əldə edirsən. Bu oyunda qol vurmağım vacib idi. Ümid edirəm ki, bu böyük komanda üçün daha çox qol bura biləcəm.

Bu, çətin mübarizə oldu, çünki “Qranada” çox yaxşı oyun göstərdi. Rəqib turnir cədvəlinin 2-ci pilləsində qərarlaşıb, bu da onların nə qədər güclü olduğunu göstərir. Bu oyunda əlimizdən gələni etdik və qalib gəldik. Qələbə qazandığımız üçün xoşbəxtik. Turnir cədvəlində liderlik edirik, əsas məqsədimiz də bu idi”.

Hazard “Real”a bu yay “Çelsi”dən transfer olunub.