De Yonq “Nyukasl”la matçı buraxa bilər

“Barselona”nın yarımmüdafiəçisi Frenki de Yonq UEFA Çempionlar Liqasının ilk turunda “Nyukasl”a qarşı keçiriləcək matçı buraxa bilər.

Komanda.az “Diario AS”-a istinadən xəbər verir ki, niderlandlı futbolçu milli komandada zədələnib. O, La Liqanın 14 sentyabrda baş tutacaq “Valensiya” ilə oyununda da iştirak etməyəcək.

28 yaşlı yarımmüdafiəçinin Çempionlar Liqasındakı matçda meydana çıxıb-çıxmaması bərpa prosesinin gedişindən asılı olacaq.

“Nyukasl” – “Barselona” qarşılaşması sentyabrın 18-də, İngiltərədə keçiriləcək.

De Yonq bu mövsüm Hans-Diter Flikin rəhbərliyi altında 2 oyunda forma geyinib.