“Fənərbaxça” Çalhanoğlu üçün təklif irəli sürməyə hazırdır

“İnter”in yarımmüdafiəçisi Hakan Çalhanoğlu “Qalatasaray”a keçməsə də, karyerasını Türkiyədə davam etdirmək ehtimalı hələ də qalır.

Komanda.az “SportMediaset”-ə istinadən xəbər verir ki, 31 yaşlı futbolçuya yeni iddiaçı “Fənərbaxça”dır.

İstanbul klubu türkiyəli oyunçu üçün 15 – 20 milyon avro aralığında təklif irəli sürməyə hazırdır.

Bununla belə, “İnter” Çalhanoğlunu satmağa o qədər də həvəsli deyil. Milanlılar onun qiymətini 30 milyon avrodan yuxarı dəyərləndirir. Hakanın klubu ilə müqaviləsinin müddəti 2027-ci ilin iyununa qədərdir.