Azərbaycan millisi Qazaxıstanda çempion oldu

16 yaşadək qız basketbolçulardan ibarət Azərbaycan millisi Qazaxıstanın Atırau şəhərində keçirilmiş “Airom Cup” beynəlxalq turnirində çempion olub.

Bu barədə Komanda.az-a Azərbaycan Basketbol Federasiyasının mətbuat xidmətindən məlumat verilib.

U-16 yarışın son oyunlarında Qazaxıstanın “Barsy Atrau” klubunu 68:32, Rusiyanın “MBU Volqoqrad” komandasını isə 58:47 hesabı ilə üstələyib.

Milli komanda çempionluğu bütün oyunlarını qalib tamamlayaraq qazanıb.