“Dinamo”dan Şeydayevsiz qələbə

Futbol üzrə Rusiya Premyer Liqasında 7-ci turun oyunları keçirilir.

Komanda.az xəbər verir ki, Azərbaycan milli komandasının hücumçusu Ramil Şeydayevin formasını geyindiyi Moskva “Dinamo”su da növbəti matçına çıxıb.

Sözügedən kollektiv səfərdə “Tambov”la üz-üzə gəlib. Futbolçumuzun komandası bu oyundan qələbə ilə ayrılıb – 2:0.

Ramil bu görüşün iştirakçısı olmayıb. Əvvəlki oyunlarda meydana çıxsa da, qol vura bilməyən millimizin forvardı bu dəfə sonadək ehtiyatda qalıb.

“Dinamo” 7 turdan sonra 8 xalla 16 kollektiv arasında 9-cu pillədə qərarlaşıb.