“İnter” hücumu onunla gücləndirə bilər

“İnter” hücumunu “Lill”in oyunçusu Conatan Davidlə gücləndirə bilər.

Komanda.az “Sky Sports”-a istinadən xəbər verir ki, kanadalı futbolçu yayda azad agent olacaq, ona görə də, potensial müştərilər onunla indi danışıqlar apara bilərlər.

David “İnter”in forvard mövqeyi üçün üstünlük verdiyi seçimdir. Ancaq milanlılar bilirlər ki, onun üçün çoxlu iddiaçılar var və onun maaş tələbləri də problem ola bilər. Potensial çətinliklərə baxmayaraq, A Seriyasının klubu 25 yaşlı oyunçu üçün yarışdan çəkilmir.

David bu mövsüm “Lill”in heyətində 34 matçda 20 qol vurub və 9 məhsuldar ötürmə edib.