Kubok: “Gəncə” “Ordu”nu məğlub etdi

Basketbol üzrə Azərbaycan kubokunda 1/8 final mərhələsinin daha bir görüşü baş tutub.

Komanda.az xəbər verir ki, ikinci oyun günündə “Gəncə” “Ordu” ilə qarşılaşıb.

Qarşılaşma qərb təmsilçisinin 81:62 hesablı qələbəsi ilə yekunlaşıb. Halil Atlının yetirmələri 1/4 finalda “Sərhədçi” ilə üz-üzə gələcək.

Günün ikinci duelində “Sumqayıt” “Neftçi” ilə münasibətlərinə aydınlıq gətirəcək. Matç saat 19:00-da start götürəcək.

Ötən gün “Abşeron” “Quba”nı (96:94), NTD “Lənkəran”ı (87:73) məğlub edib. “Naxçıvan”, “Sabah”, “Sərhədçi” və “Şəki” komandaları mübarizəyə 1/4 finaldan start verəcəklər.