ÇL: “Real” üçün bunu etmək çətin olacaq”

“Real”ın baş məşqçisi Karlo Ançelotti komandasının UEFA Çempionlar Liqasının pley-off mərhələsinə birbaşa vəsiqə qazanmaq şansları ilə bağlı fikirlərini bölüşüb.

Komanda.az UEFA-nın mətbuat xidmətinə istinadən xəbər verir ki, italiyalı çalışdırıcı “Real” üçün bunu etməyin çətin olacağını deyib:

“İlk 8-liyə daxil olmaq? “Real” üçün bunu etmək çətin olacaq. İndi edə biləcəyimiz yeganə şey son iki matçda qalib gəlməkdir. Komandamız hücumda güclüdür, ancaq müdafiədə hələ də inkişaf etməliyik. Bu, cari mövsümdəki uğurumuzun açarı olacaq”.

“Kral klubu” Çempionlar Liqasında növbəti oyununu Avstriya “Zalsburq”una qarşı keçirəcək. Qarşılaşma bu gün Madriddəki “Santyaqo Bernabeu”da baş tutacaq.