Rodri seçimini edib: “Mançester Siti”dən ayrılsa…

Builki “qızıl top” mükafatının qalibi Rodri Hernandes “Real”dan çox “Barselonaya” keçməyə üstünlük verir.

Komanda.az “El Nacional”-a istinadən xəbər verir ki, ispaniyalı yarımmüdafiəçi cari mövsüm başa çatdıqdan sonra “Mançester Siti”ni tərk etməyi düşünür.

Rodrinin qərarına bir çox amillər, xüsusən də, Pep Qvardiolanın mümkün gedişi, kluba tətbiq edilə biləcək müəyyən sanksiyalar (Premyer Liqada maliyyə qaydalarını 100-dən çox pozma) və karyerasında yeni çağırış almaq istəyi təsir edir.

28 yaşlı futbolçu İspaniyaya qayıtmaq istəyir və hər iki La Liqa nəhəngi onu transfer etməkdə maraqlıdır. Rodrinin özü artıq seçimini edib və “Mançester Siti”dən ayrılsa, “Barselona”ya keçmək istəyər. O, hesab edir ki, kataloniyalıların oyun tərzi ona uyğundur və indi bu layihəni daha çox bəyənir. Bundan başqa, “Real”a keçid onun karyerasına başladığı “Atletiko”ya xəyanət olardı.

Rodri zədə almazdan əvvəl cari mövsümdə 3 oyunda iştirak edib.