“Əlimizi qaldırıb təslim olacağımızı düşünən adam tariximizi bilmir”

“Real”ın müdafiəçisi Eder Militao komandasının son uğursuzluqlarından danışıb.

Komanda.az xəbər verir ki, braziliyalı futbolçu sosial şəbəkə hesabındakı paylaşımında “Real”ın rənglərini ləyaqətlə qorumalı olduqlarını bildirib:

“Real”ın rənglərini ləyaqətlə qorumalıyıq. Komanda daha çox şeyə qadirdir. Əlimizi qaldırıb təslim olacağımızı düşünən adam tariximizi bilmir. Madrid, sadəcə irəli”.

“Kral klubu” son oyunlarında iki məğlubiyyətlə üzləşib. Karlo Ançelottinin komandası İspaniya çempionatında evdə “Barselona”ya 0:4, UEFA Çempionlar Liqasında isə “Milan”a 1:3 hesabı ilə uduzub.