Morata: “Yamal kimi futbolçu görməmişəm”

“Milan”ın hücumçusu Alvaro Morata həmyerlisi Lamin Yamal haqqında danışıb.

Komanda.az xarici KİV-ə istinadən xəbər verir ki, o, ispaniyalı futbolçunun performansını yüksək qiymətləndirib:

“Düzünü desəm, onun kimi futbolçu görməmişəm. Onun inanılmaz səviyyəsini başa düşmək üçün bir məşq kifayət etdi, o, fenomendir. Hər 20-30 ildən bir Kriştiano Ronaldo, Lionel Messi kimi dahilər meydana çıxır. Məncə, Lamin tarixə düşəcək hər şeyə malikdir. Şübhə etmirəm ki, o, İspaniya tarixinin ən böyük oyunçularından birinə, hətta bəlkə də, ən böyük oyunçuya çevriləcək”.

17 yaşlı futbolçu artıq “Barselona”nın hücumunun liderlərindən biridir və İspaniya millisinin start heyətinin oyunçusudur.