Leao A Seriyasını La Liqaya dəyişə bilər

Portuqaliya millisinin və “Milan”ın hücumçusu Rafael Leao A Seriyasını İspaniya La Liqasına dəyişə bilər.

Komanda.az “Todofichajes”-ə istinadən xəbər verir ki, “Atletiko” 25 yaşlı forvardla müqavilə bağlamaqda maraqlıdır. Madridlilər yaxın vaxtlarda Leaonu almağa cəhd edə bilərlər.

Portuqaliyalı hücumçunun transfer dəyəri 75 milyon avro qiymətləndirilir və onun “Milan”la müqaviləsi 2028-ci ilin iyunun sonunda başa çatacaq.

Leao cari A Seriyasında 8 oyun keçirib, 1 qol vurub və 3 məhsuldar ötürmə edib.