“Real”ın futbolçusu Premyer Liqa klubunda

İspaniyanın “Real” klubu daha bir futbolçusunu icarəyə verib.

Komanda.az xəbər verir ki, bir neçə gün öncə Dani Sebalyosu London “Arsenal”ına göndərən “kral klubu”nun müdafiəçisi Xesus Valyexo da növbəti mövsümdə İngiltərə Premyer Liqasında çıxış edəcək.

22 yaşlı mərkəz müdafiəçisi “Vulverhempton”la anlaşıb. Bu barədə sözügedən klubun rəsmi saytı məlumat yayıb. İspaniyanın gənclər millisinin sabiq üzvü Premyer Liqa klubuna bir illik icarəyə verilib.

Qeyd edək ki, 2015-ci ildən “Real”a məxsus olan Xesus Valyexo “Saraqosa” və “Ayntraxt”da da icarə əsasında çıxış edib.