Krivotsyukun komandasından inamlı qələbə

Futbol üzrə Cənubi Koreya çempionatında 29-cu turun oyunları keçirilib.

Komanda.az xəbər verir ki, Azərbaycan yığmasının müdafiəçisi Anton Krivotsyukun komandası “Daejeon” da növbəti matçına çıxıb.

Sözügedən kollektiv doğma meydanda “Qvanqyu” ilə qarşılaşıb və 2:0 hesabıyla qalib gəlib.

Anton da bu görüşün iştirakçısı olub. O, start heyətdə meydana çıxıb və sonadək oynayıb. Azərbaycanlı futbolçu 78-ci dəqiqədə sarı vərəqə də alıb.

“Daejeon” hazırda 31 xalla 9-cu pillədə qərarlaşıb.