Zappakosta klubunu dəyişə bilər

“Atalanta”nın müdafiəçisi Davide Zappakosta yay transfer pəncərəsinin son günlərində komandasını dəyişə bilər.

Komanda.az xarici KİV-ə istinadən xəbər verir ki, “Napoli” italiyalı futbolçunun transferində maraqlıdır. Neapol klubunun baş məşqçisi Antonio Konte hesab edir ki, Zappakosta komanda üçün yaxşı gücləndirici olacaq.

32 yaşlı müdafiəçinin “Atalanta” ilə müqaviləsi gələn ilin ortalarına qədərdir. Onun transfer dəyəri 6 milyon avro qiymətləndirilir.

Zappakosta İtaliya çempionatının cari mövsümündə 2 oyun keçirib, 1 məhsuldar ötürmə edib.