Fransalı futbolçu “Milan”dan 7,5 milyon avro maaş istəyir

Yay transfer pəncərəsi sona yaxınlaşır və klublar tədricən heyətlərini qurmaq işini dayandırırlar.

Komanda.az “TodoFichajes”-ə istinadən xəbər ki, “Milan” yaxın vaxtlarda yarımmüdafiəçi Adrien Rabyonu transfer edə bilər. 29 yaşlı futbolçu iyulda “Yuventus”la müqaviləsi başa çatdıqdan sonra klubsuzdur.

“Milan” və Rabyo arasındakı razılaşma futbolçunun maaş tələblərinə görə mürəkkəbdir. Fransalı yarımmüdafiəçi ildə 7,5 milyon avro qazanmaq istəyir. Transfer pəncərəsinin bağlanmasına az müddət qaldığına görə Rabyo “iştah”ını cilovlamalıdır.