Sanço İtaliya klubuna keçməyə yaxındır

“Mançester Yunayetd”in yarımmüdafiəçisi Ceydon Sanço icarə əsasında İtaliya klubuna keçməyə yaxındır.

Komanda.az xarici KİV-ə istinadən xəbər verir ki, ingiltərəli futbolçunun xidmətində “Yuventus” maraqlıdır.

Sanço ötən mövsüm “qırmızı şeytanlar”ın heyətində əvəzetmədən meydana daxil olaraq cəmi 3 oyun keçirib. 24 yaşlı vinger mövsümün çox hissəsini Dortmund “Borussiya”sında oynayıb. Almaniya klubunda 21 matçda iştirak edən yarımmüdafiəçi 3 qol vurub, 2 məhsuldar ötürmə verib.

İngiltərəli futbolçuya potensial iddiaçılar arasında PSJ də var.