PSJ Çempionlar Liqasından qovula bilər! – Mbappe şikayət edib

PSJ Çempionlar Liqasından kənarlaşdırıla bilər.

Komanda.az “Le Monde”-yə istinadən xəbər verir ki, “Real”ın hücumçusu Kilian Mbappe keçmiş klubu PSJ-dən UEFA-ya şikayət edib. Fransalı futbolçu parislilərdən özünün maaşı və bonusları da daxil olmaqla 55 milyon avro tələb edir. 25 yaşlı forvardın iddiası uğurlu olarsa, PSJ Çempionlar Liqasından qovula bilər.

Mbappe yayda azad agent kimi “Real”a keçib və artıq bu komandanın heyətində 2 oyunda 1 qol vurub. Madrid klubu çempionata “Malyorka” ilə səfərdə heç-heçə (1:1) ilə başlayıb.

Mbappe 2017-2024-cü illərdə PSJ-də çıxış edib.