Nistelroy yenidən “Mançester Yunayted”də – “Bu, xüsusi hissdir”

“Mançester Yunayted”in keçmiş hücumçusu Rud van Nistelroy İngiltərə klubuna yeni vəzifədə qayıdıb. O, komandanın baş məşqçisi Erik ten Haqın köməkçisi kimi çalışacaq.

Komanda.az “derbyderbyderby.it”-ə istinadən xəbər verir ki, niderlandlı keçmiş futbolçu təklifdən əvvəl bu barədə düşünmədiyini bildirib:

“Düzünü desəm, bu, xüsusi hissdir. Klubun marağını öyrənəndə çox sevindim. Təklifdən əvvəl bu barədə düşünməmişdim. Lakin təklif gələndə heç bir şübhəm qalmadı”.

Nistelroy “qırmızı şeytanlar”ın heyətində keçirdiyi 218 matçda 150 qol vurub. O, 2001-2006-cı illərdə İngiltərədə çıxış edib.