Uilyamsın “Barselona”ya keçidi çətinləşir

“Barselona” “Atletik”in hücumçusu Niko Uilyamsın transferini bu yay həyata keçirə biləcəyinə şübhə ilə yanaşır.

Komanda.az AS-a istinadən xəbər verir ki, Kataloniya klubu hesab edir ki, futbolçunun transferi ailəsi və “Atletik”in təzyiqi səbəbindən çətinləşir. Buna görə də, o, növbəti mövsüm üçün hazırkı komandasında qalmağa getdikcə daha çox meyl edir.

Uilyamsın transfer dəyəri 60 milyon avro qiymətləndirilir. Onun klubu ilə müqaviləsi 2027-ci ilin ortalarına qədərdir.

21 yaşlı vinger ötən mövsüm 48 oyun keçirib, 10 qol vurub və 24 məhsuldar ötürmə edib.