Konfrans Liqası: “Sumqayıt”ın oyununa 2200 bilet satılıb

“Sumqayıt”ın Konfrans Liqasının 2-ci təsnifat mərhələsində “Fehervar”a (Macarıstan) qarşı keçirəcəyi matça 2200 bilet satılıb.

Komanda.az xəbər verir ki, bu barədə klubun mətbuat xidməti məlumat yayıb.

Biletlərin qiymətləri sektorlardan asılı olaraq 5, 10 və 25 manat aralığında dəyişir.

“Sumqayıt”la “Fehervar” arasında ilk görüş iyulun 25-də Sumqayıtda, cavab qarşılaşması isə 31-də Macarıstanda baş tutacaq.