Morata İtaliya klubuna keçməyə yaxındır

İspaniya millisinin və “Atletiko”nun hücumçusu Alvaro Morata “Milan”a keçməyə yaxındır.

Komanda.az xəbər verir ki, bu barədə “La Gazzetta Dello Sport” nəşri məlumat yayıb.

Vəziyyəti dəyişmək arzusunda olan Morata artıq həftənin əvvəlində “Atletiko”nun rəhbərliyinə bu barədə məlumat verib. Bu keçid “Milan”a 13 milyon avroya başa gələcək.

İspaniyalı forvard daha əvvəl İtaliyada oynayıb. Belə ki, o, 2020-2022-ci illərdə icarə əsasında “Yuventus”da çıxış edib.