“Sizi Avropada görməyi səbirsizliklə gözləyirəm”

Səudiyyə Ərəbistanının “Əl-Nəsr” klubunun və Portuqaliya millisinin hücumçusu Kriştiano Ronaldo sosial şəbəkədə yeni paylaşım edib.

Komanda.az xarici KİV-ə istinadən xəbər verir ki, o, bunu yazıb:

“Sizi Avropada görməyi səbirsizliklə gözləyirəm”.

Avropa çempionatı iyunun 14-dən iyulun 14-dək Almaniyada keçiriləcək. Yarışın qrup mərhələsində Portuqaliya millisi Türkiyə, Çexiya və Gürcüstan komandaları ilə qarşılaşacaq.

Ronaldo ötən mövsüm Səudiyyə Ərəbistanı çempionatının bombardiri olub. 39 yaşlı hücumçu 31 matçda iştirak edib, 35 qol vurub, 11 məhsuldar ötürmə edib.