Mbappe 130 milyon avrodan imtina edə bilər – “Real”a keçmək üçün

PSJ-nin hücumçusu Kilian Mbappe Fransa klubunu tərk etmək üçün demək olar ki, 130 milyondan imtina edə bilər.

Komanda.az xarici KİV-ə istinadən xəbər verir ki, fransalı futbolçu sədaqət bonusundan və bu mövsüm almalı olduğu maaşın bir hissəsindən imtina edəcək. Mbappenin imtina etməyə hazır olduğu dəqiq məbləğ 127,8 milyon avrodur.

Mbappenin cari mövsümün sonunda PSJ-dən ayrılacağı və “Real”la müqavilə imzalayacağı bildirilir.

25 yaşlı forvard bu mövsüm 32 oyun keçirib, 41 qol vurub və 9 məhsuldar ötürmə edib. Futbolçunun Paris klubu ilə müqaviləsi cari mövsümün sonunda başa çatır.