Mbappenin “Real”a keçəcəyi dəqiqləşib

PSJ-nin hücumçusu Kilian Mbappe yay transfer pəncərəsində Fransa klubunu tərk edəcək.

Komanda.az xarici KİV-ə istinadən xəbər verir ki, Fransa millisinin oyunçusu nəhayət, gələcəyi ilə bağlı qərar verib və karyerasını “Real”da davam etdirəcəyi dəqiqləşib.

Daha əvvəl onun artıq “Real”la 2029-cu ilə qədər olan müqavilə imzaladığı bildirilirdi. Hücumçu komanda yoldaşlarına və PSJ-nin məşqçilər heyətinə cari mövsümün sonunda klubdan ayrılacağını demişdi. Öz növbəsində, “kral klubu”nun prezidenti Florentino Peres Karlo Ançelottinin məşqçilər heyətinə Mbappenin “Real”ın yeni oyunçusu olacağı barədə məlumat verib.

Mbappe bu mövsüm bütün turnirlərdə 42 oyun keçirib, 41 qol vurub və 9 məhsuldar ötürmə edib.