“Halandla qarşıdurmanı səbirsizliklə gözləyirəm” – “Real”ın müdafiəçisi

“Real”ın müdafiəçisi Antonio Rüdiger “Mançester Siti” ilə Çempionlar Liqasının 1/4 finalının oyunu ilə bağlı gözləntilərini bölüşüb.

Komanda.az “Madrid Universal”-a istinadən xəbər verir ki, almaniyalı futbolçu, Erlinq Halandla qarşıdurmanı səbirsizliklə gözlədiyini bildirib:

“Mən həqiqətən Halandla qarşıdurmanı səbirsizliklə gözləyirəm. O, əla hücumçudur. Bunlar həmişə arzuladığınız matçlardır və onların bir hissəsi olmaq inanılmazdır”.

İlk oyun aprelin 9-da İspaniyada keçiriləcək və saat 00.00-da start götürəcək. Cavab qarşılaşması aprelin 17-də Mançesterdə baş tutacaq.

“Mançester Siti”nin 23 yaşlı hücumçusu Haland bu mövsüm 36 oyun keçirib, 30 qol vurub və 6 məhsuldar ötürmə edib.