“O, Vinisius və ya Neymar kimi həmişə gülən və ya gülümsəyərkən gördüyünüz oğlan deyil”

“Palmeyras”ın 17 yaşlı hücumçusu Endrikin agenti Frederiko Pena onu “Əl-Hilal”ın hücumçusu Neymar və “Real”ın forvardı Vinisius Juniorla müqayisə edib.

Komanda.az “The Telegraph”-a istinadən xəbər verir ki, o, eyni zamanda, Endrikin xarakterindən danışıb:

“O, Vinisius və ya Neymar kimi həmişə gülən və ya gülümsəyərkən gördüyünüz oğlan deyil. Endrik onlardan xaraktercə fərqlənir. O, daha təmkinli və çox, çox ağıllıdır. O, artıq ispan və ingilis dilini öyrənməyə başlayıb”.

Endrik “Palmeyras”ın məzunudur və akademiyadan əsas komandaya qədər yüksəlib. Braziliyalı futbolçu 2022/2023 mövsümündə 53 oyun keçirib, 14 qol vurub və 1 məhsuldar ötürmə edib.

Braziliyalı futbolçunun qiyməti hazırda 45 milyon avrodur. 2024-cü ilin iyulunda forvard “Real”ın futbolçusu olacaq. Madrid klubu onun müqaviləsini 37,5 milyon avroya almağa razılaşıb.