ÇL: Kapitan yaxşı oynamadıqlarını etiraf etdi

“Real”ın kapitanı Naço Fernandes Çempionlar Liqasının 1/8 final mərhələsinin cavab matçında “Leyptsiq”lə heç-heçəni (1:1) şərh edib.

Komanda.az UEFA-nın mətbuat xidmətinə istinadən xəbər verir ki, Naço yaxşı oynamadıqlarını etiraf etdi:

“Düzünü desəm, nə başlanğıcda, nə də ikinci hissədə yaxşı deyildik. Rəqibin əks-hücumları çox sürətli idi. Amma əsas odur ki, biz daha da irəli gedə bildik”.

İki oyunun nəticəsinə görə “Real” ÇL-də 1/4 finala yüksəlib.