“Fənərbaxça”nın futbolçusu 2-3 həftə oynamayacaq

“Fənərbaxça”nın yarımmüdafiəçisi İrfan Can Kahveci zədələnib.

Komanda.az klubun mətbuat xidmətinə istinadən xəbər verir ki, futbolçunun ayaq əzələsində ikinci dərəcəli yırtıq aşkarlanıb. Onun 2-3 həftə yaşıl meydanlardan uzaq qalacağı gözlənilir.

Türkiyə millisinin üzvü bu mövsüm “Fənərbaxça”da 36 matçda 13 qol vurub və 10 məhsuldar ötürmə edib.